"روميلو لوكاكو" من رحم المعاناة إلى النجومية - Elbotola ‎365‎البطولة 365 - ‏ } --> -->

"روميلو لوكاكو" من رحم المعاناة إلى النجومية

طفولة لوكاكو
روميلو لوكاكو .. تولد 1993فبلجيكا من أبوين مهاجرين من الكونغو الديمقراطية عندو اخ واحد لي حتا هو ولا من بعد لاعب هو " جوردن لوكاكو " ، وحتى باه كان لاعب كرة قدم معروف فالوقت ديالو ..وكان لوكاكو كيقضي ساعات طويلة وهو متابع الماتشات مع باه
وكيقول لوكاكو : " باقي عاقل على ديك اللحظة فين اكتشفت اننا عائلة فقيرة بزاف ، وباقي عاقل ملي كانت الواليدة كتوقف قدام الثلاجة و مكتلقا متعطينا من غير الخبز و الحليب ، وواحد المرة ملي كانت عندي ست سنين جيت من المدرسة ولقيت الواليدة كتوجد لي الخبز و الحليب كيما ديما ، قربت ليها و شتها هاد المرة كتزيد شي حاجة جديدة مع الحليب ، مفهمت والو و جابتهم لي موراها و هي كتبتاسم بحال ايلا كلشي طبيعي ..

ديك ساعات عرفت بلي كانت كتخلط الحليب و الما حيث الواليد مكانش عندو الفلوس كافيين باش يبقا يشري الحليب السيمانة كاملة ، فاش حطاتلي دكشي منطقت بحتا كلمة مبغيتش نجرحها كليت بحايلا كلشي عادي  .. كنا فقراء بزاف ، حتى داك الخبز كنا كنتسلفوه من عند الحانوت لي حدانا فالإثنين و كنواعدوه اننا غنخلصوه نهار الجمعة .. ولكن من داك نهار واعدت راسي انني غندير تا انا شي حاجة باش نعاون عائلتي ، الواليد كان لاعب محترف ولكن كان فلخر د المسيرة ديالو و مبقاوش عندو لفلوس واول حاجة تحرمت منها هي الإشتراك لي كنا دايرينو و كنتفرج بيه فالماتشات .. وليت كنرجع من المدرسة كنلقا الدار مظلمة حيث معندناش باش نخلصو الضو وبقينا هاكا مدة جوج سيمانات ولا ثلاثة ، وفهاديك الوقيتة كنت كنكلس انا و مي و خويا فالظلام و كنصليو دكشي علاش ربيت شخصية قوية ووليت كنسيطر على نفسي .. وفواحد المرة دخلت لقيت الأم ديالي كتبكي قلت ليها متبكيش هدشي غيتبدل ، غنولي حتا انا لاعب كرة قدم مشهور بحال الواليد  و غنردك فرحانة "
بداية الرحلة


هنا غيتزاد شغف لوكاكو بكرة القدم و غيلاحظها باه وهدشي لي غيخليه يصيفطو لنادي رابل بوند و تألق تما لوكاكو و بانت الموهبة ديالو كان كيقرى و يلعب فنفس الوقت و مع مرور الوقت زادت القوة البدنية و الطولة ديالو وولاو الأساتذة مكيتيقوهش فاش كيقوليهوم العمر ديالو وحتى فالنادي ديالو الأطفال لي معاه كانو كيمانعو انه يلعب معاهوم بحجة انه كبير عليهوم واخا هوما فنفس العمر .. من تما ولا كيدي معاه البيانات ديالو الشخصية باش لي سولو و متيقوش يجبدهوم ليه ..

وكان الحلم ديال لوكاكو هو يولي افضل لاعب فتاريخ بلجيكا ماشي يكون مجرد لاعب جيد و صافي
وكيقول : " كل مباراة كنت كلعبها على انها نهائي و كنت كلعب بواحد الغضب كبير بسباب النظرة ديال دوك الأطفال ليا وكنت كنحس انني كنحارب على قبل عائلتي "
ومن بعد 4سنين التقطوه كشافة نادي " ليرس " البلجيكي و لعب معاهوم جوج مواسم و سجل فيهوم 121بيت ف 68ماتش !!! وملي هبط النادي للدرجة الثانية سنة 2006 شراو اندرلخت من عندهوم 13لاعب شاب من بينهم لوكاكو لي كانت عندو ديك ساعات 16عام فقط .. لعب معاهوم 3مواسم و حجز بلاصة اساسية فالتشكيلة و ماركا معاهوم 131بيت ف 93ماتش


وف 2011 مشا لتشيلسي مقابل 12مليون يورو وكانت اول مباراة ليه فوز ضد نورويتش سيتي ب 3_1  واخا هاكاك تشيلسي شافو انه مزال صغير و خاص يتطور و صيفطوه اعارة ف 2012 لويست بروميتش البيون لمدة موسم واحد و عاوتاني ف 2013مشا اعارة لايفرتون لمدة موسم واحد و ف2014تعزل لوكاكو من صحيفة الغارديان ضمن قائمة افضل 10لاعبين شباب فاروبا موراها وقع مع ايفرتون عقد المدة ديالو 5سنين مقابل 28مليون جنيه استرليني و عطاوه رقم 10 وماركا لوكاكو 15بيت ف 31ماتش وحققات ايفرتون المركز الخامس فترتيب الدوري وولا موراها لوكاكو خامس لاعب تحت 23عام  كيماركي اكثر من 50بيت فالدوري الإنجليزي وخامس اصغر لاعب كيوصل ل100بيت فالدوري الإنجليزي نيت

وف2017 دخل لوكاكو ضمن التشكيلة المثالية للدوري الإنجليزي لأول مرة و ترشح ايضا لجائزة افضل لاعب فإنجلترا داك الموسم و ترشح لجائزة افضل لاعب شاب فإنجلترا ..وفنفس العام انتقل لليونايتد بعقد مدته 5سنوات مع امكانية التجديد لعام آخر مقابل 90مليون جنيه استرليني

وعلى الصعيد الدولي .. كانت اول مباراة للوكاكو مع بلجيكا ف 2010وولا موراها الهداف التاريخي لبلجيكا فعمر 24عام فقط برصيد 40بيت
وحاليا اللاعب فالإنتر مع كونتي

ليست هناك تعليقات:

إرسال تعليق

يتم التشغيل بواسطة Blogger.